سؤال: كيف تخلين حماتك تحبك وتفضلك على الغير؟ يرجى الرد بسرعه

اسال الله يحببك في قلبها
وثقي ياحبيبتي انك باشياء يسيره جدااااااااااااااااا تقدرين تخليها دايم تدعي لك وتذكرك بالخير.....بشرط احتسبي الاجر واخلصي النيه لله
1... ناديها ب( امي) وتصدقي انها راح تفرح بشكل ماتتصوري *** اسالي مجرب***
2... سلمي بكفها وبراسها وحاولي دايم تقولي لها (الله لايحرمنا منك ويطول عمرك بالطاعه)
3...اذا رحتي السوق خذي لها اي حاجه تتوقعين انها تحبها .
4...اساليها دايم (بالله ياامي مانتي محتاجه شي او ناقصك شي .
5...اذا رحتي في بيتها حاولي انك تساعديها في المطبخ وفي تنظيف بيتها اذا كانت ساكنه لوحدها.
6...اذا كانت من الحريم اللي يحبو الحناء مافي مانع انك تعبي نفسك وتحني يدينها ورجليها وكمان شعرها
7...اذا جات في بيتك حاولي انك تكرميها وتوفري لها كل وسائل الراحه .
8...واخيرا ذا كان عندها فرح احد من اولادها خليك ذكيه روحي لدولاب ملابسها وخذي منه فستان وخيطي لها فستان للفرح وقبل الفرح باسبوع اعطيها اياه وراح تشوفي بنفسك النتيجه((((متاكده انها راح تشيلك من الارض اذا فيها شده)))))) ههههههههههههه
...........والله العظيم يالغاليه ان جميع هذه الاشياء اللي كتبتها هي عن تجربه نفذيها وراح تشوفي الفرق ...
بالله طمنيني وش اللي صار معاك وان شاالله تحبك اكثر من الثانيه
*****لا تنسي اختك الفقيره من دعواتك والله محتاجه لها وبخاصه هذه الايام*****

مشكوره يالغالية ما تقصرين.. بصراحة أغلب هذي الأشياء تطبقها زوجة ولدها الثانية
وأنا اللي يحرضني عليها هي خدامتي.. أنا ساكنه معاهم وهي تخبرني بكل شي يصير عني..
والله ضايق خلقي..

والله عملت اكثر من هدا ولكن بدون فائده ما ترضى الله يعطيها العافية والعمر الطويل

الحل بسيط
وانا ولله الحمد والمنة انعم بحب حماتي
والسبب اني اعاملها زي ما احب زوجات اخواني يعاملون امي
وزي ما احب ان زوجة ولدي مستقبلا تعاملني
واخلصي النية لله وابتعدي عن سفاسف الامور
وللمعلومية 0000 النتيجة يبغالها صبر
واسال الله ان يحببنا الى الناس وان يحبب خلقه فينا

احب اقولش ابعدي الخادمه عنش لانها اتغلض القلوب و بعدين خلى المنافسه بينش و بين حرمة ولدها الثانى على ارضاها لانها العمات يحبون الدلع من حريم اعيالهم والله ايخليكم لبعض و انشاالله ما نسمع الا كل خير